Jean-Luc Mélenchon vòl reformar ?

Lo centralisme democratic republican francés l’avèm testat dempuèi 200 annadas, Jean-Luc Mélenchon i vòl tornar !

Aquel centralisme es estat lo modèl social e dictatorial de l’Union Sovietica, vist la resulta … en matièra de dictatura del proletariat e de la dictatura mafiosa, ne podèm que pensar qu’es pas lo bon modèl.

Lo modèl francés a servit de basa al sistèma de govèrn d’Hitler, de Stalin, de Mussolini, de Franco, de Pétain. Que volèm, donar lo poder a Jean-Luc Mélenchon ?

Jean-Luc Mélenchon a tractat las Diwan de secta, e se la secta èra lo tip de pensada aquela que prepausa d’elonhar las decisions politicas concreta de la vida de las populacions, de las nacions. La confusion –encara un còp- entre democracia e representacion electiva de las populacions es granda, quitament dins lo sindicalisme, sorga de la pensada politica del FdG.

Cada còp que l’Estat francés e la seuna administracion son pas capables de gerir l’argent public, lo sistèma imperfait de la decentralizacion a donat resultas bonas a tot nivèl, financièr (las regions son pas en deficits contrariament als Estats e administracions centralizadas) e l’accion publica al prèp de las necessitats del terrenh (l’elonhament fabrica administracion e burèu de non pus i entendre, a l’Union Europèa tanben, que vòlon els una politica per regions, puslèu qu’a travers los Estats).

Aquela postura partesana es tanben un dangièr de primièra grandor per totas las institucions que trabálhan actualament ambe l’Euròpa per projectes de desvolopaments economics, e que zo an pas poscut far ambe l’Estat centralista francés.

Encara un còp la FELCO que milita per Jean-Luc Mélenchon es tanben de copar la branca que capita de finançar l’ensenhament de l’occitan a travèrs los Conselhs Regionals, alara que l’administracion francesa emplega l’ensenhament de l’occitan coma valor de regulacion, quora i a pus de moneda es primièr l’occitan que ne patís. Vos conselhi de tornar legir un bilhet recent sul tèma. La FELCO es aital una associacion partesana que milita per una sotmission politica de l’occitanisme al bon vóler del rei-president. Es tanben una organizacion que facilitarà pas lo trabalh debutat en Euskadi, Catalonha, Bretanha o Corsega per aver una sistematizacion dels ensenhaments, pertot.

Mélenchon = centralisme, jacobinisme, nacionalisme, republicanisme, extremisme = fin de Calandreta.