Avèm viscut una setmana dificila a Tolosa, e aquò quasiment dins totas las botigas se ne parla. Vos escrivi aquí a 900 m de la caserna Perignon, a Tolosa, a dos pas de l’apartament un ficat de tot escantilh dels rensenhaments politicèrs tolzans.
O podèm veire clarament : al fial de las annadas per seguir la politica securitari pregada per l’extrèma-dreita (ambe benlèu rason, mas pels metòde politicièra sense eficacetat), e assajat d’aplicar per un ministre de l’interior, filh d’immigrat ongarés, puèi devengut president de la republica parisenca, jacobina e bonapartista (que lo militarisme e las solucions militaristas son sempre estada la fusta de salvacion dins la mar de las estupiditats ideologicas de dreita).
Quora èra estat de passatge a Tolosa, Nicolas Sarkozy, tal un papagai, repêtèt qe jogar ambe la delenquéncia ajuda pas a resòldre los afars ; Mohamed Merah aviá 14/15 annadas a l’epòca, e soi segur que l’entrainament fotbalistica en companhiá de l’adminbistracion locala auriá cambiat sa vision sobre la societat del castig permanent, vist de París.
Car es plan aiçò la republica francesa : la societat del castig permenent e quora s’apatzima aquí sul continent europèu, nos fabrica colonia departamentalizat per i poder mandar militar, o alara fan guèrra oltra continent asiatic per assegurar d’aucupar lo budgecte militar ; aqelbudgcte frà jamai –5% en annadas de crisi, cal salvar l’industria del ‘fabriqué en France” e los compte dels amics Dassault que son tanben deputats UMP-NC…
Uèi avèm una Marine Le Pen qu’explica que un Mohamed Mareh auriá jamai agut la ‘nationalité’ (los papièrs parisencs), s’èra estat al poder dempuèi 20 annadas. E alara dempuèi 50 annadas, la familha Sarkozy tanpauc ?
E l’autre costat partesan, en perseguissent dins l’error, explícan que cal pas criticar lo RAID e los rensenhaments franceses (e dons la refòrma qe faguèron) ; es aital qu’aprenèm que la via ongaresa de l’interdiccion de la libertat d’expression es la linha politica de l’UMP-NC.
Uèi se pausa clarament de donar totes los mejans a la polícia per poder melhor orquestrat la patz en Occitània, mas segur pas encara ambe lo sistèma centralista francés, tal que zo pensa la majoritat dels electors del partit de François Hollande ; cal anar veire lo modèl vesin, las polícias recentament nascudas e qu’an provat l’eficacetat dins la gestion de las grandas migracions (Euskadi e Catalonha).
Ai pas cap vist dins un sol programa de las presidencialas 2012, un partit explicar que l’Estat francés se deviá reformar al maxímum, per doás rasons : – l’estauvi sobre la dobla poltiica de l’ineficacetat parisenca, – per enfin donar a las regions la rason de l’eficacetat de l’argent public e d’una politica coërenta, prèp dels territòris, e de las realitats (luènh dels partits jacobins).
Car son pas la davala dels ministres, de temps en temps en Lemosin (Afar dicha de Tarnac), o a Tolosa (afar dels Merah), que me farà creire que los desplaçament son pas un còst collectiu e republican sense cap utilitat (los desplaçments en avions que còsta!), se lo sistèma èra estat pensat, non pas coma president, mas coma ministre de l’interior al moment que la decentralizacion, avián mestièr de donar solucions a la mesa en securitat del territòri, causa que l’Estat pòt pas far a còsts rasonables.
E que l’Estat s’assaja d’aucupar de l’internacional, la representacion internacionala ; e me sembla que n’a pron per far jà pron mal !
La critica del RAID o dels rensenhaments d’Estat son criticas de la libertat d’expression dins un Estat democratic, malgrat tot pel moment i sèm dedins aital e sembla que l’avèm encara la libertat d’escriure… Mas aquí es pas lo RAID que cal criticar, es la politica menada per Nicolas Sarkozy coma l’indica tanben Mediapart, e tota la vila de Tolosa quora se parla ambe seriós e libertat d’expression dins totas las botigas de la vila de Tolsoa dempuèi quasiment una setmana.
Lo fautiu de Tolosa es lo sistèma UMP-NC qu’a installat l’insecuritat en vila en pensar que lo centralisme non democratic podriá salvar los siètis de la comuna de Tolosa o d’endacòm mai, e donc en fasent de la baissa politica a cort tèrmi, e non pas ambe un projecte que els disián quitament que volián «France Protège les Français», coma sèran doás causas diferentas ! E coma soi pas francés, mas occitan de ciutadanetat franchimanda, soi oblijat de suportar las estupiditats nacionalistas francesa (UMP-NS, Chevènementistas, FN, etc - o al nivèl tecnic coma las camèras de securitats), d’aquel nacionalisme d’expansion que d’analisi del conviure a Tolosa n’an una vision policiara e militarista, sonque.
Cap comentari:
Publica un comentari a l'entrada