A cada moment de la creacion d’aquesta escòla, lo camin causit per OC-BI e donc la FELCO es aquel que trapa dificultats ambe lo sistèma francés e nacionalista d’ensenhament ; capborruts an pas jamai cambiat d’avejaire. E soi segur que los parents son capables de comprendre un autre messatge, se lor es prepausat, plan segur.
Nos podèm clarament questionar sul ròtle de las associacions aquelas per enganar lo pòble d’Occitània, los parents per presegre aital de parlar e negociar, perdre son temps, ambe un sistèma que vòl francament pas de l’occitan e de son ensenhament. La primièra pròva es la causida d’ensenhament qu’es pas normala, per equitat orari, causa qu’es una ‘exception française’ per non pas semblar a totes los sistèmas provats coma mai eficaçes en Euròpa, per coorporatisme e conservatisme professoral, contra lo mamot Éducation dicha nationale.
Lo problèma es clarament politic, e la fauta de sapienças politicas dels militants del Partit Occitan en Òlt-e-Garona qu’a fabricat lo problèma aquel. E Òc, OC-BI es lo Partit Occitan, e la FELCO es manipulada pel Front de Gauche ! Dins los dos cases es un sistèma que plaça lo politic abans l’acte civic, e non pas lo politic dins l’acte civic, dins l’acte nacional per melhorar la ciutadanetat francesa.
En cas manièra lo sistèma jornalistic podrà comprendre perqué son pas que d’inocents sul tèma ; e son aital manipulats per un coorporatisme professoral dins l’occitanisme, tròp nombroses son los professors dins l’occitanisme.
Sabètz la diferéncia entre la pedagogia e lo marqueting ? Sabètz la diferéncia entre una escòla d’Estat e una creacion d’entrepresa ? sabètz la diferéncia entre la nacion e la ciutadanetat ? Sabètz la diferéncia entre Calandreta e Escòla de ‘service public’ ? Sabètz perqué i a pas de diferéncia entre lo sevici public e lo servici public per l’ensenhament de l’occitan per l’administracion francesa ? Sabètz entre dignitat democratica e sotmission coloniala republicana ?
Cap comentari:
Publica un comentari a l'entrada