L’imprecision fabrica pas los avions.

Pòt semblar una causa qu’agrada als letrats de las universitats de poetica (per fabricar literatura, la romança o lo pantai occitan), letrats de Tolosa Miralh, ciutadans de las letras poeticas :

Totas las causas an lo seu mistèri,

e la poësia es lo mistèri que fan totas las causas.

Aiçò se pòt dire a un Ramon Llull a l’Edat Mejan (950/1400), quora ni Itàlia (fin del XIXen sègle o foguèt), nimai Espanha (debuta del XIXen sègle ofaguèron los bonapartistas), èran quitament pensada, quitament al nivèl politic, nimai al nivèl del trobar. Aquestas utopias italiana e espanhòla son estadas fabricadas per l’idèa revolucionària o pòst-revolucionària francesa (aquel verbiatge damora dins lo ment de Franceses o d’Occitans qu’an pas encara la pensada netejada de las absurditats istoricas francesas), es que l’occitanisme o pòt oblidar quitament quora de la poesia se vòs lo portaire modèrne sense desligar un pauc la basa de la pensada occitana, la precision poetica, justament.

Car Occitània per existar dèu èstre precisa, coma l’an poscut explicar en practica tota la poetica trobadorenca.

Las aproximacions occitanas faràn crevar Occitània.

E alara quora se fabrica un document que dèu èstre portar a un grand public cal èstre pedagogic, clar, mas tanben precís e sense concession sul tèma de la presentacion (extremista, perfecionista), sobretot dins la situacion que la populacion occitana a encara páur de cabussar dins çò que faguèt la civilizacion occitana, una referéncia per la precision umana.

Donc Itàlia e Espanha existávan pas a l’Edat mejan, Tolèdo e Roma sí, nimai Bordèu ambe una S a la finala, nimai Perpinhan non pòt existar quora lo magazine es difusat sobre los televisors de Catalonha del nòrd (Catalunya del nòrd) sobr ela TNT; car podèm alara reprochar a la TV3 de non pas emplegar la version occitana de Lorda, quora los Occitans, productors de television o pas, productors de ràdios o pas, fosquèssen pas exemplars, els-tanben ! Aquela exemplaritat es un modèl per la nacion nòstra, e tanben un modèl de seguir de las autras nacions de la planèta.

Ièr soi estat veire un documentari de granda qualitat, o disi, de granda qualitat, e es estat desvolorizar per pichonets detalhs ; es domatge.

Soi dempuèi mantunas setmanas sus Facebook, ai poscut verificar :

1 / un francés escriurà quasi-sistematicament ambe fautas acumuladas d’ortografia, 50 % mai o mens dels documents recebuts (es la resulta d’una escòla que se vòl exemplar per imposar lo sol francés); e lo public de la meuna pagina de FB es seleccionat !

2 / un occitan sap pas ortografiar (es la fauta de preséncia sistématica d’ensenhament, e sobretot pas a l’universitat de letras, e F3 Tolosa aprèp mai de 25 ans de Viure al País sap sempre pas encara promòure correctament aquel programa simbolic de l’antena) ; e lo public de la meuna pagina de FB es seleccionat !

3 / ai jamai vist un catalan mal ortografiar lo catalan (e çaquelà aurà lo castig dels Espanhòls perqué l’escòla serà de maissanta qualitat nacionalista madrilenca ! dixit Wert, lo ministre de l’educacion espanhòla) ; e lo meu public de la meuna pagina es pas mai seleccionat que pel francés o l’occitan !

Aquel document dona un exemple de l’aplicacion de l’ortografia aprèp mantunas annadas de vida professionala e d’elonhament de l’escòla de (mal)Estat francés del costat de Niça (son ‘Franceses’ sonque dempuèi 1860, e los sevicis de l’escòla francesa son autanplan similars qu’aiçí, de l’autre man de Var, aont sèm sotmetuts dempuèi mai de temps, bravament mai, a la dictatura lingüistica francesa e la supausada sanctificada ortografia, resulta, NONRES !).

Dins la civilizacion tecnica que sèm la precision es essenciala ; mas la precision es tanben una causa qu’èra demandada quitament a d’autres sègles bravament abans lo XXIen e XXen sègle. La precision de l’òbra artesanala ne fabricava una òbra qu’ameritava d’èstre venduda a un prètz mai naut, e donc a las autoritats que n’avián los mejans, borgeses o nòbles (son els que fasián los mercats).

Donc quora volèm convéncer un pòble que ambe l’emplec del mot patois a abandonat la precision lingüistica, cal portar la precision a tota fòrça. E los que fan mediatizacion d’aiçò, amai d’aver una precision fonetica, lor cal tanben una aisina precisa lingüistica, e la cal saber ortografia ambe precision.

L’imprecision fabrica pas los avions d’AEDS-AIRBUS, mas son d’avions que se vendon ; e los vendeires o fan autanplan precisament que los engenieires fan la linha de fabricacion, o l’innovacion tecnica.

Una fusèa non pòt pas sortir de l’airial terrestre sense la precision tecnica. O cal plan dire, se volèm Occitània ambe dignitat e assegurança sde succès per la nacion nòstra, podèm pas aver aproximacions pòst-poeticas, devèm aver una fusèa per sortir de l’orbita de las estupiditats e ignoranças francesas.

Per aver una bona pagina Internet, non se pòt enganar sobre la lista de letras que cal per l’aver. Per aver l’Acadèmia Occitana, se escrivèm academiaocitana.eu, non arribarèm a legir la pagina.

Malastrosament soi forçat d’escriure que la precision matematica es pas occitana, e que los franceses an rason sobre las nòstras flaquesas, ne fan lo pan jornalièr de la lora dominacion.