Particularitat francesa : l’odiança politica

Nautres Occitans, Nautras Occitanas, sèm pas una particularitat de fRANÇA, coma lo sistèma bonapartisme e republican francés nos vòl cantonar.

Nautres Occitans, Nautras Occitanas, sèm pas locutors e locutriças de fRANÇA per volontat comuna, per sentiment de felicitat d’èstre dedins aquesta violéncia umana francesa, nimai volèm pas parlar patois, coma lo sistèma imperialistas nos vòl encantonar.

Nautres Occitans, Nautras Occitanas, sèm pas separatistas per esséncia, mas forçats per las estupiditats francesas non podèm sens que reagir a las ignoranças que tòcan lo sistèma francés. Aquelas ignoranças son entreprengudas per tot lo sistèma centralista e mediatic francés, i a pas cap sistèma francés qu’es pas tocat per aiçò ; e ne deuriam encara suportar las consequéncias ideologicas francesas ?

Nautres Occitans, Nautras Occitanas, avèm las memòrias de las repressions francesas, els non ; me podètz explicar perqué els n’an pas d’aquò al ment ? La responsa es simpla, es perqué an trapat tot aquò normal, tot aquò subjecte d’oblidança, ambe lo temps se pensa que la causa francesa, la terrorialisme francés s’oblidarà, es aiçò qu’es dangierós, las oblidanças francesas son crimis contra l’umanitat, quí farà lo procès umanista contra aquel pòble, e la seuna administracion, las seunas elitas, que sobrevívon sus la planèta sense aver al mens una mandra idèa de las estupiditats e dels crimis qu’els an perpetuat sus la planèta, e dionc primièr concernit, contra los locutors occitans e las locutriças occitanas, una de las nacions de la planèta.

Nautres Occitans, Nautras Occitanas, avèm cap leçon de morala republicana de recebre d’aquel pichon monde nombrilista parisenc, nacional-expansionista, nacional-extermista, nacional-violent, sense cap solidaritat qu’aquel per l’elita plega-esquina que agrada al sistèma. E se lo sistèma d’opression vos es desfavorable e que gausatz levar lo cap, Nautres Occitans, Nautras Occitanas s’avèm sonque lo dreit de calar ? Avèm sonque lo dreit a l’indignitat ? Lo dreit d’Estat es superior al dreit dels Òmes, dreit universal levat pels Franceses ! per l’Estat republican francés… Aquel donaire de leiçons politicas planetàrias.

Dempuèi lo pichon calam d’un ciutadan de la planèta, la sola particularitat francesa que sabi, e que sempre m’enrábia, es l’ignorança francesa, excepcionala ignorança.

Aiçò es pendent la sanctificada revolucion dita francesa (document junt e recentament difusat per Catalunya Ràdio, ambe l’ajuda de professors de l’universitat catalana), e serà pas lo sol moment istoric que l’Histoire de France verificarà qu’es odiosa, verinosa, oblidosa per esséncia, glorifiquisanta per necessitat politica e religiosa, objecte d’oblidança per las maissantas e nombrosas paginas, elements de l’endoctrinament republican e escolar, jamai istorian francés aurà agut un rasonament dinca a la finala aprèp aver despertat totas las terriblas paginas e donc serà devengut un element de l’oblidança necessariament politica per far sobreviure lo drac republican o reial francés, etc.

Non i a cap rason onèsta per donar lo tòrt als pòbles sotmetuts, es l’odiança politica ; los pòble plega-esquina non pòdon èstre acusat de replegament sus se, de régionalisme ; França es odiosa de sempre, e las seunas elitas tanben, per exemple Regís Debray.