Serà aquel govèrn que portarà tot lo procèssus d’independència del Principat sud de Catalonha.
Es un govèrn d’aligança entre CiU e ERC, es un govèrn qu’aurà largament una majoritat per establir un referèndum d’auto-determinacion. Es un govèrn çaquelà que farà lo seu possible per respectar l’Estat de dreit actual, per anar cap a l’Estat de dreit catalan.
Aquel govèrn vòl crear un Estat ciutadan novèl europèu.
Dins lo messatge de Cap-d’an Artur Mas confirma que la creacion de l’Estat novèl catalan (Estat suplementari, car es pas lo primièr Estat de lenga catalana sul continent nòstre) se farà ambe una granda composanta sociala. La majoritat novèla l’ajudarà a o bastir. Es qu’aquò pòt rassegurar los Franceses ? Els qu’ambe la republica francesa an sabut que fabricar un mercat-Estat-nacion sense basa sociala pels Bretons, Occitan,s Bascos, Catalans, Alsacians, Savosians, Còrses, Kanaks, Polinesians, Goadelopeans, Martiniqués, e faguèron sonque un projecte social pels parisencs (totas las institucions politicas que fan l’Estat sociala, son basadas a París (levat per Lorrena-Alsàcia, e uèi zo vòlon tanben destrusir ! alara que fonciona sense deficit !!).
2013 serà per Catalonha l’annada del camin complicat, de quina manièra fabricar un Estat novèl ambe repunhanças espanhòlas d’un costat e septicisme de l’autre (catalans del nòrd, occitans, franceses).
Aquel novèl Estat questionari l’Union Europèa sobre las seuna capacitat de refòrma ; tot aquò solament en 2013…
Çaquelà lo monde es pas fait de nègre e blanc.
Cap comentari:
Publica un comentari a l'entrada