Federalisme europèu en question, sonque ?

La gestion de las crisis europèas per la comission es gaire questionada, perqué ? Perqué la Comission Europèa es un element del sistèma europèu plaçat pels mercats-Estat-nacion. E donc la Comission es sobeirana, sense un membre  dit MEP (en version anglesa o brusselish) que podrà questionar. Es la presentacion del Parlament Europèu que nos es estada faita al moment de la meuna visita a Estrasborg.

Aquesta visita es estada fòrt utila per entendre que l’implicacion dels MEP, deputats o deputadas europèus/uas, es limitada per las institucions ; l’Union Europèa es pas una organizacion democractica, de la democracia de representativitat qu’i sèm acostumat. Aital al moment de la debuta d’aquesta visita, avèm agut la confirmacion per Jean-Luc Mélenchon, una referéncia! JLM pensa que los debats i son inexistents (benlèu perqué la seuna pensada i es pas pron fòrta, pas pron revolucionarisanta), mas podèm çaquelà apondre qu’i a benlèui una proporcion de çò que dís qu’es realitat. Sèm pas mal representat a Estrasborg, i sèm tot simplament enganats pels mercats-Estat-nacions que las an fabricadas, Made By (novèla) European Technocratie. Lo Collège d’Europe de Brugge trabalha benlèu coma l’ENA a Estrasborg (escòla de l’Estat jacobin francés), o las filiaras idònias de sciéncia ditas politicas per l’Estat politic francés, dins las universitats francesas ?

Dins aquel contèxte, son pas sense que los separatismes dels mercats-Estat-nacions espanhòl, italian, francés, utiles per la democracia europèa, son tanben los separatismes escossés, gallés, o los unionistas irlandeses, lo separatisme andalós, o de Bavièra, etc.

Alara quora vesi qu’en Andalosia se puja pancarda coma aquesta …

….pensi que l’Union Europèa se melhora, e soi content ; perqué justament son plan los imperialismes de Prússia, puèi Alemanha, Rússia puèi sovietica, del Reialme de Castilha e Aragon (parlamentarisme catalan sotmetut), puèi d’Espanha (pòst-bonapartista, ambe l’ajuda dels militars lemosins collaboradors ambe lo bonapartisme, coma lo General Bugeaud qu’a encara una avenguda al seu nom a Lemòtges), mais tanben d’Itàlia (bastida per un idealista coma Garibaldi qu’a aital destrusit Piemont e donc l’independéncia de Niça, donc una libertat occitano-niçarda).

Pensi a la patz e que las montanhas s’abaissèssen clarament… coma èra pantaissat per Gaston Fèbus. Lo Se Canta es un imne europèu, jà emplegat coma tal pels jòcs olimpics d’ivèrn en 1999, promòugut aital ; pas cap jornalista francés ne faguèt cas ! La manipulacion francesa es un long camin que suportèm pas sonque quora los Catalans se despertan…

Alara dins aquel contèxte, al un militant espanholista e per l’impèri espanhòl, la responsa sona :

E coma sèm forçat de respondre sobre las questions istoricas, questions que nos seràn remandadas perqué «parlèm tròp d’istòria» e pas «pron de la realitat del moment», presenta, nos cal confirmar alara que l’ignorança es la basa del nacional-expansionisme espanhòl e francés.

Conselhi a totes los ciutadans europèus e totas las ciutadanas europèas d’èstre convidats/adas pel deputat/ada del recanton regionalista o circonscripcion d’eleccion europèa, modèl francés d’eleccion (sense consultacion dels pòbles sul modèl de votacion). Soi estat convidat per la MEP Catherine Greze, e o cal plan dire, la mercegi grandament ; es una iniciativa que cal multiplicar pertot dins la circonscripcion electorala del ‘Sud-Ouest’. Aquel ‘Sud-Ouest’ a las dimensions variablas en foncion de l’interès de cadun dels politics, mas sempre grandament occitan (amagat malastrosament per non perturbar los nacionalismes franceses qu'e s’i exprimíscan).

Aquí avètz reconegut un novèl lògo nascut en 2012, que la dimension del ‘Sud-Ouest’ es limitada a doás regions administrativa francesa, es al sud-oèst de París… Mas sense lo ‘sud de france’ del vesin de l’Aude ! S’espèra ‘al pus lèu’ l’etiqueta ‘Sud-Est France’ … per mostrar l’originalitat de la tercnocracia francesa !

Podèm fabricar un federalisme europèu en cava l’ignorança istorica e geografica francesa o espanhòla ?

Una auca marqueting i podriá trapar las auquetas e los auquetons ?

Las aucas occitanas en visitar Estrasborg o Brussel sauràn aital relativizar la manièra francesa de fabricar las identitats coma lo sovietisme sus las causidas d’orientacion geografica o numerologica. sauràn lèu de quina manièra lo federalisme europèu, se vòl existir, deurà s’orientar politicament.