C’s es lo simbòl d’un partit politic d’Espanha, coma que Catalonha es encara democrata, es present al parlament de Catalonha, ambe una pujada dels vòts a las darrièras eleccions del 25 de novembre 2012. Son los vòts socialistas o PP que son partits ailà dins lo camp que aurián benlèu jamai desertar, lo nacional-expansionisme madrilenc.
An una pensada a 100 % similara al sistèma francés de pensar la republica, es donc una pensada politica centralista e jacobina (de solidaritat unenca ambe la capitala, la «santa capitala»), coma o sabèm suportar tanben en Occitània. Son amics del filosòfe espanhòl Savater ‘basco’ que podèm entendre de temps en temps sus las ondas nacionalistas francesas de France Culture.
Evidentament nos faràn la dubertura sul monde ! E tota la semantica que lo centralisme jacobin sap far (amb intelligéncia el!), mas aqueles son de Catalonha (Principat), e crídan al boicòt dels produïts dels Catalans !… Son la subversion espanhòla en Catalonha, un pauc coma se d’Alemands aguèssen fait, a París (ambe un partit politic e rpesents a las eleccions), la promocion d’Alsàcia alemanda aprèp 1860….
Aquel document junt es la pròba contreta de la paradòxa espanhòl (es una paradòxa del punt de viste que se vòlon catalans/anas mas en lenga espanhòla !), vòlon dels Catalans mas sense economia, sense vida nacionala, sense escambis ambe la planèta e migrants fòra l’Espanha sacrada, per justament prendre la plaça dels Catalans ! Es çò que suportèm anuèch en Occitània, clarament. Es clarament un partit expansionista e d’èime nacional-expansionista, donc colonialista sul continent europèu, e aital son similar als partits que podèm listar aquí : UMP (per mantunes), UDI (per mantunes), FN, Ligues, MRC, MoDem (per mantunes), PRG (per mantunes), PSf (per mantunes), PdG, LO, NPA (per mantunes de Lengadòc per exemple), Parti des travailleurs, Partit Occitan (per mantunes, rares), EELV (per mantunes, rares), etc.
Son venguts manifestar a 3.000 ciutadans (venguts fòra de Catalonha en buses) a Barcelona pel Dia de la Nación en companhiá del PP e de la falange, lo partit franquista (que se sap gaire pas quina es l’òsmosa que pòdon aver ambe els). Per la falange, se cal çaquelà questionar sobre Espanha que la falange posquèsse encara sobreviure a la transicion al franquisme … Es un pauc coma se lo partit Nazi èra d’actualitat dins l’Alemanha federala.
Ciutadanos es un pauc lo ciment ideologic del PSOE e del PP per far front contra CiU-ERC que son sul camin del referèndum, es de dire amic de la democracia en Catalonha. Lo centralisme e l’enemic de la nacion catalana son in sitú presents al Principat de catalonha, e pòdon parlar e votar al Parlament Catalan ; es dire l’èime de la democracia qu’an los Catalans ! Dementre que lo sistèma centralista fabrica un Congrès espanhòl que los Catalans e los Bascos i son minoritaris per sempre, e podràn jamai cambiar res del sistèma madrilenc, mas simplament i podràn trapar sonque interdiccions coma aquela de non parlar catalan e basco, per exemple.
Cap comentari:
Publica un comentari a l'entrada