Un tecnocrata parisenc, de provenéncia occitana (Gasconha), e del ministèri de l’economia a emplegat la seuna situacion tecnocratica per cambiar un projecte de Linha de Granda Vitessa en Gasconha. Se tròba qu’es del ministèri de l’economia e donc pas del ministèri concernit. Se podrà alara determinar qu’o deviá far per solidaritat familhala, per ajudar la familha, ambe rasons evidenta… L’Estat francés se noirrís d’aiçò, dels lòbis de las elitas occitanas sotmetudas, per damorar en plaça en Occitània, poder legal e republican ; aquí en particular Gasconha, mas o podèm veire de faiçon sistematica un pauc pertot en Occitània, las elitas seleccionadas pels Franceses son aquí sempre las potinguetas per far acceptar lo centralisme francés e sos projectes centralista e productivista en Occitània.
Tres elements me fan escriure aqueste bilhet :
1 / Çò que pròba al mens que son pas las elitas de la basa colonialista francesa que governan (dels partits jacobins, malgrat las prepausicions d’EELV, soi pas pron convençut que faràn melhor en associacion ambe los socialistas o lo PdG), mas plan melhor los aprosmats del poder –sindròma Enric III de Navarra, los que París a escolhit pel sus pròpri benefici, los que collabòran ambe lo sistèma centralista francés en Gasconha.
Es plan temps que la democraia tòrne en Occitània ! Ambe lo 4 d’agost, la legenda republicana nos explica que los priovilègis son estats annulats ; Es donc plan un fantasme. Es plan temps que lo pòble d’Occitània governèsse, e sobretot sense los partits franceses ; senon, la democracia es pas possibla. Es temps d’aver un real poder en Occitània, en particular en Provènça o Gasconha, Lemosin, Peitieu-Charenta, Auvernhe, Dalfinat o Gavotina, Niça e Lengadòc, Peirigòrd, Carcin e Roergue, etc.
2 / la LGV es plan un problèma, per las populacions localas, los Gascons o Provençals de non provenéncia divina republicana, los que simplament vívon aiçí, alara que la LGV es encara un còp faitas sonque pels escambis entre las grandas capitalas europèas, per far viatjar las tecnocracias los privilegiats novèls, entre grands centres de poders e aquí a travèrs Occitània (donc Gasconha, Provènça o tot autre parçan occitan) e res de recebre en escambi, levat poder aisidament gaitar passar los trens de granda vitessa de las grandas companhiás d’interès estatal (a desfaut de finança pels trens occitans de qualitat, e una reala entrepresa de servici al pòble gascon d’Occitània) ; Aiçò es encara un còp la fauta del sistèma politic que la populacion farà encara e encara fisença, per fesfaut d’autras prepausaicions seriosas.
3 / O cal plan dire, aquestes projectes en estela a destinacion de París, frena de mantunas manièras lo desvolopament economic armoniós en Occitània ; a) las elitas occitanas s’en van trabalhar per París e non pas pel País Occitan de Gasconha, Provènça o endacòm mai, dins totas las seunas particularitats, essencialas per Occitània. b) cap projecte nacional occitan es previst per donar una complementaritat entre las grandas ciutats d’Occitània ; cal saber que Niça e Marselha pòdon pensar èstre pron grand per aver una dimension internacionala als aeropòrts, Bordèu e Tolosa non, mas associadas las doás ciutats aurián la dimension mondiala que cal. c) aqueles projectes regionals serián tanben un moment per far trabalhar localament las entrepresas, e non pas las entrepresas que fan allegéncia al sistèma del mercat-Estat-nacion francés. De tot aiçò lo sistèma politic local, quitament nacional-expansionista francés, n’a una idèa, mas es pas pron sufisent, cal anar mai luènh e pensar a las populacions puslèu qu’a Paris.
La LGV es vertadierament necita ? Es que seriá pas simplament una autra faiçon de gerir las linhas que seriá realament indispensabla per nosautres, pòble pron sotmetut a las estupiditats francesas ditas republicanas, e donc devèm metre un punt final al monopòl de servici d’Estat de la SNCF, causa obtenguda per un còp d’Estat economic per una causa qu’es estat nommat nacionalizacion, per distorcion de semantica e encara costumièra politica francesa, donc es un sistèma nacional-expansionista al sol benefici dels Parisencs, e dels Madrilencs (solidaritat en sens unic), e alara se deuriá establir un servici... al puple/pòble de Gasconha puslèu ! Aquel punt final al servici d’Estat vòl pas dire pivatizacion per un sistèma a capital privat, non ; entre lo nègre (republican centralista francés) e lo blanc (pensada de las entrepresas del mercat-Estat-nacion francés) ai pas de causir ; es un autre sistèma public que cal, un servici al pòble de Gasconha, al pòble d’Occitània.
Es pas question de donar totes los poders als Parisencs, es justament question de donar poder politic a los qu’an après a l’abandonar per lo concentrar, per egalitat legala e democratica, e donc an destusit aital la democracia, lo sistèma reial, bonapartista, puèi republican francés. Es question de dignitat per Occitània, es que los Daneses, o los Neerlandeses válon mai que los Occitans dedins l’Union Europèa ?
Cap comentari:
Publica un comentari a l'entrada