La question se pausa, quina populacion de l’Union Europèa a un compte en Confederacion Helvetica ? quin mercat es fabricat per l’UBS dins l’Union Europèa ?
La question puja tanben en Espanha, es una question perversa, perqué jà la pausar es una orientacion politica, gaitatz :
La Confederacion Helvetica es una crotzament de las perversions monetàrias, mas tanben d’autras !
Mas es puslèu aquela que m’interessa… perqué del costat de Vilanèva d’Òlt a fabricat una question d’Estat. Lo cònsol màger de Vilanèva d’Òlt es devengut ministre de l’economia, e alara la question es devenguda una polemica socialista de mai, benlèu per aucupar lo camp batalhièr dels mèdias parisencs ? Mas quora se sap que l’afar es puslèu una question d’immigrants parisencs en regions occitanas, immigrants qu’an trapat una region d’arcuèlh electoral per un camp o l’autre, se pausa realament la qualitat de la democracia dins la tombada de Vilanèva d’Òlt.
Un còp èra, ni l’UMP ni los socialistas avián candidats de presentar, pauc a pauc es alara lo FN qu’es aparegut coma la sola solucion ; los clubs fermats de la democracia republicana francesa an practicar l’importacion massiva de candidats ! Es una costuma regulara dels partits franceses e dels clubs fermats de la democracia republicana francesa (mai que tot mascles) ; vos cal recordar que Lionel Jospin aviá mestièr d’un terrenh en region per èstre un ‘bon candidat’ per las presidencialas, e dons li calguèt trobar un luòc, son alara los socialisats de Tolosa qu’a trapat que Senta Gabèla èra un bon endreit, en general lo candidat socialista ganhava del primièr torn ambe 60 dels vòts ; èra un endreit simpatic donc.
Mas Vilanèva d’Òlt es mens agradiu per lo paraducatge politic jacobin dels clubs fermats de la democracia, e pels partits del sistèma centralizador francés. E çaquelà l’arribada del ministre de l’economia se faguèt plan aisidament, e quitament quora los socialistas locals perdián pauc a pauc las eleccions, el es damorat, dinca èstre un bon candidat dels clubs fermats de la democracia per èstre ministre de l’economia (los clubs fermats de la democracia francesa son clubs influents per la causida dels ‘bons ministres’ – sèm plan elonhat del sistèma de la representativitat e de la democracia, mas basta). Talament bon candidat que los socialistas locals an agut pauc a pauc póur de las victòrias del personatge …
E se l’afar dels comptes en Confederacion Helvetica èra pas un biais de foncionar dels clubs fermats de la democracia, los qu’an dreit a cobèrtas cada annada dels setmanièrs L’Express, Le Point, le nouvel Obs, Marianne, etc ; es alara vesèm que lo sistèma es lo meteis per Espanha o a Vilanèva-d’Òlt-fRANÇA, quora se trapa compte(s) en Confederacion Helvetica, tanben al president de la Generalitat de Catalonha, ambe una informacion imprimida a Madrid, El Mundo (alara ne podèm rire).
Nos podèm jà questionar suls partits politics qu’acceptan d’èstre manipulat per aquestas sectas politicas que son los clubs fermats de la democracia, dels Estat-de-dreit-centralista, e nos podèm tanben questionar sobre aquestas democracias que son aital manipuladas pels clubs fermats de la democracia e clubs masclistas que fan barratge a la representativitat de tota la populacion.
Los compte en Confederacion Helvetica o Suïssa es puslèu un element de distorcion democractica, puslèu qu’un element important per l’actualitat.
-°-
Cap comentari:
Publica un comentari a l'entrada