Non podèm que listar los problèmas que los socialistas franceses an fabricat en Iparralde, aont la coësion sociala èra un element màger de desvolopament, los socialistas an sabut botar sens que discòrdia, e pauretat politica.
Lo primièr dels problèmas es estat la manièra d’accumular las mentidas a prepaus d’un estatut per Iparralde que respectèsse la votz dels ciutadans bascos ; París escota tròp los jacobins bearneses...
E la revista Enbata, encara un còp ne fa un resson tristàs.
Lo segond punt es l’arrestacion de Na aurore Martin, que lo poder socialista es encara un còp pas responsable, çò qu’explica Manuel Valls a Sud-Ouest, per sempre (çò sembla!).
Donc a partir d’aquí la rançon demandada per lo liberament juridic de Na aurore Martin, ambe totas las precaucions usancièras, sembla un pauc es una barbaritat politica suplementària per Iparralde. Es una rançon politica de mai que Madrid e París pana a Iparralde.
Lo tresen punt es ligat al sistèma de gestion d elas infra-estructura centralista francesa, la dita Linha de Granda Vitessa. L’afar de la linha de granda vitessa adiciona, una fauta de responsabilitat de las grandas entrepresas de servici dit public, fins al cap, fins als quadres d’Estat central parisenc, de l’Estat centralista francés ges o brica al servici de Iparralde e del seu pòble, adiociona la salça del amertum politic.
Podèm pensar que lo vòt nacionalista basco aurà donc una tendéncia de pujar en Iparralde, nos podèm sense que regaudir d’aquesta pujada futura, causa que los jacobin non podrà listar que de las errors politicas que fan d’annadas aprèp annadas dins la gestion de la ciutadanetat en Iparralde.
-°-
Cap comentari:
Publica un comentari a l'entrada