Es un enveniment en Corsega, que cap mèdia exagonal a notat… e çaquelà aurà consequéncia importanta sul vòt independentista e nacionalista en Corsega. Del meteis biais, l’egalitat republicana, qu’es pas encara per las lengas, es pensada per èstre aplicat en Lorrena-Alsàcia del meteis biais.
Aquesta causida politica, non adaptada a las costumas de las populacions e als vòts republicans ancians, non pòt far que pensar que Corsega anirà cap a una via legala diferenta de la parisenca. Son milièrs de ciutadans còrses qu’auràn de pagar mai per las transmissions de patrimòni ; se podrà pas trapar melhor per trobar novèl electors independentistas.
Se cal recordar que lo novèl estatut de la Generalitat de Catalonha es estat votat per referèndum e tombat pel Conselh Constitucional version madrilenca. Non podèm que far la comparason…
Es plan los afars de moneda qu’an fait pujar los sentiments independentistas de Catalonha, e mantunas errors politicas del PP-PSOE-PSC, causas oblidadas per la redaccion de Le Monde; listèm parier las consequéncias dels actes del Conselh Constitucional (sabètz aquela institucion de privilegiats causits pels presidents republicans e que los presidents i son membres quitament ambe Alzeimer en ment ! o la borsa emplenada) ; L’ignorança pauc a pauc matarà fRANÇA.
Veirèm la prochèna estupiditat legislativa francesa …
Pel moment, la causa francesa interessa ; a l’estrangièr se sap que la revolucion de 1789, dita francesa, a debutat per rason de fiscalitat e de grèus problèmas de produccion agresta, e pas brica per la qualitat bona o maissanta de las accions politicas :
Cap comentari:
Publica un comentari a l'entrada