Dins la ciutat tranquilla de Fois, François Thonier es pron conegut per quasiment tota la populacion politica de la vila ; e donc la volontat de La Dépêche du Midi de presentar sonque lo punt de vista oficial plaça aquel jornal dins lo camp de la repression francesa en Occitània, e lo redactor local(ista) de Fois parla occitan e benlèu que sap escriure tanben en lenga occitana.
François Thonier aguèt l’idèa de cremar un teissut de tres colors, per protestar coma lo militarisme francés que viu dins la commemoracion del 11 de novembre, per protestar contra un sistèma que melhor auriá de protegir las populacions puslèu que de pensar sonque a-n aquelas commemoracions mlilitaristas, un afar qu’oblida grandament antinacionalisme dels sordats de 14/18, e que plaça un element de la manipulacion politica parisenc en tèrra occitana, simbolicament en tèrra de la familha Fèbus (Totas las colors de Fèbus son presentas en vila). L’idèa es venguda dedins la familha qu’un membre volguèt cremar un jorn una bandièra de FN en plena manifestacion.
Anuèch, sul monument als mòrts occitans del país fushenc, element del nacionalisme francés de sempre e inaugurat per armada e prefectura, es sonque installat las flors artificialas de la prefectura francesa del l’an 2012, las flors de Fois, e del Conselh General d’Arièja ! Tot çò que tòca a desvolopar lo nacionalisme francés en Occitània.
Anuèch, a las 14 oras son dètz occitanistas que son estats sosténer François Thonier (veire l’article del Jornalet), en companhiá de la CNT locala ; es plan clar que l’inquietud èra dins lo camp de la polícia francesa ; l’administracion francesa e lo sistèma politic es normalament al servici de la populacion, ara fan la pròva que son unes instruments del nacionalisme francés. Aquel ciutadan pacific fushenc èra cridat per la «justícia», per un complòt nacionalista francés engimbrat per la comuna (polícia municipala e comuna fushenca, l’Estat estant l’accusador oficial, e La Dépêche du Midi, lo jornal oficial de l’accusacion, coma l’avèm poscut veire dins precedent article comunicat sobre aqueste blòg). La lista dels corrents politics occitans es estada completa, dins lo camp de la dignitat per Occitània.
Avèm aital poscut entendre un representant de la populacion (conselhièr minicipal) èstre actor del nacionalisme francés e trapar arguments sense sorgas coma : «los anciens combatents e los joves de Fois son estats ofuscats», e la «justícia», francesa se trapant alara mal plaçada per los cridar a la barra ; l’abséncia d’arguments es la basa del nacionalisme francés, aquí èra parier.
Avèm poscut veire los questionaments dels Rensenhaments Generals franceses a la pòrta del palatz aquel, en dessota del castèl de Gaston Fèbus, amai avèm poscut veire estonaments del personal del sistèma juridic francés pauc acostumats en Occitània de veire aquel tipe de solidaritat.
E la condamnacion per aver cremat dos teissuts de tres colors aprèp una ceremònia es alara valorizat de 1000 € per la comuna l’Estat, amai una pena de preson ambe surcit. Sembla que, elonhat de la realitat del còst de la bandièra, la simbolica nacionbalista del teissut impòrta mai a la comuna que lo ridicul que pòrta en far aquela acompanhament d’accusacion…
La data de donament de la resulta del procès serà pel 15 de genièr. Se prepara jà un sosten mai bèl. François Thonier es estat lo que faguèt una creamacion qu’es pas per un còp un occitan pels Franceses, mas un còp un element de teissut francés en Occitània ; tot es capvirat, e talment esperat per mantunes dels militants presents.
Avèm tanben poscut remarcar qu’a Fois, la paritat dels «jutges» es pas brica respectada, avèm vist que femnas per la justícia francesa. E avèm remarcat que sonque mascles èran presents coma presumats justiciables…
-°-
Cap comentari:
Publica un comentari a l'entrada