arcuèlh

dimarts, de desembre 20, 2011

Consomar occitan per 2012 !

Los vins occitans per las fèstas e quora aurètz acabat totas las apelacions, podrètz dire que 2012 arriba.

Se pausa lo problèma de la consomacion ‘made in France’ es jà una pensada politica nacionalista francesa. Uèi pensi que cal consomar OCCITAN per aver los melhor vins del monde.

Çaquelà, me sembla una causa inapropriada d’aver de Champagne sobre una taula de fèsta publica, quitament per donar los prèmis de l’Académie de Languedoc… alara qu’avèm de Blanqueta de Limós alprèp; o de Cremant de Galhac, o Bordèu, o lo most melhor de la Clareta de Dia.

Per l’aperitiu capitat, un Juranson, un Sauternesn un Lopiac, un rosat de vièlha vinha de Menerbés, un Saussinhac, un Maurí. Avèm tantas solucions per adonar la garganta dels convidats en Occitània. Plan segur avèm lo patís local (made amb èrba d’Occitània, miladius), lo que preferissi es a Lemòtges, lo Panasòu, perqué ? Fintatz la botelha e comprendrètz. Una genciana de Roergue podrà tanben ajudar, e quitament s’arriba d’Auvernhe.