arcuèlh

dilluns, de desembre 12, 2011

François Hollande me sembla lo melhor ministre de las finanças que cal …

mediapart informacion sobre la gestion d'Hollande en Corrèze

Quora la catastròfa financièra es installada per la dreita en Corrèza, François Hollande arriba al poder en Corrèza ; lo finançament del departament es alara un problèma perqué cal pas far portar las errors de la dreita sobre las familhas las mai pauras…

Es per aiçò que me sembla que François Hollande seriá lo melhor ministre de las finanças per l’Estat centralista, centralisme que caldrà reformar radicalement plan segur (per l’eficacetat del capital de l’impòst prelevat e per l’interès nacional). Plan segur sa medalhaOccitanie’ li farà pensar la securitat sociala diferentament, benlèu aital que la cal per non pus far de deficit, per exemple coma en Mosèla-Alsàcia. La decentralizacion la cal pensar sul modèl qu’agrada lo mens a l’extrèma-esquèrra, d’extremistas que cal fugir per èstre mai nacionalista que l’extremisme de dreita.

Caldrà un socialista que lor agrada los Alemands, per ministre dels afars exteriors ; benlèu complicat de trobar ? O alavètz un autre ministre ecologista… Ai tanben una pichona idèa. Donc, Frnçois Hollande es pas lo bnon ministre que cal.

Per l’industria e lo desvolopament caldrà una femna de terrenh, Ségolène Royal per exemple. L’avèm vist passar a Rodés e sèm segur de la femna dinamica que podrà donar un vam novèla a las industrias regionalas. Caldrà evitar l’esquèrra productivisme que fabrica de Nalhós pertot, e qu’es puslèu desinteressada a l’interès collectiu, ambe nom d’un autre nacionalista de lo qu’es tocat pel sindròma de Stockholm !

Per primièr ministre, vesi plan per l’etica e un novèl estil ambe polit accent Eva la jurista, e norvegiana ; nos cambiarà de la cort ongarò-italiana umpetista favorabla a la purificacion etnica e fonica, modèl val de l’Edge, angevina (Fillonesc o acostumants del Fouquet’s coma Lagerfeld).

E coma president … sabi pas encara, mas ai una pichona idèa ; l’idèa partís del principi que cal fugir lo modèl francés. Ambe una evidéncia, l’abandon del vòt tipe Ven republica, per poder aver un renovelement del sistèma politic, per evitar aiçò. Es evident que caldrà doás causas importanta : – un modèl d’eleccion diferent pr aver una diversitat politica e non partidocrata, – un alargament dels poders de novèlas regions de fRANÇA per poder donar lo poder al pòbles de França.

Per clavar la filosofia generala serà aquela de l’arribada de Enric III de Navarra per aver la patz en fRANÇA (al delai de la pola farçida), dins lo reialme lo mai guerrièr d’Euròpa (mens militarista, mens d’argent pels militar e Dassault e mai d’argent per las regions per una melhoracion de la gestion) ; e aqueste còp, caldrà evitar un François Ier a la seguida ; donc, se caldrà mesfisar dels peissonièrs parisencs, sobretot los que son de Neuilly/Seine, lo novèl Versailles.

Anè, per non pas badinar podètz escotar e sobretot gaitar l’entrevista aquela, benlèu vos donarà una pista… Mas res es segur ! Vos ai pas donat la meuna responsa per mon vòt en 2012. Serà evidentament al darrièr moment qu’o farai.

Çò de segur es que François Hollande seriá un bon ministre de las finanças.