arcuèlh

dilluns, de desembre 19, 2011

L’Union Europèa val l’Estat centralista francés, sap desgalhar l’argent public.

Lo novèl ambaissador de l'Union Europèa dins la Confederacion Helvetica es anglés, non parla ni alemand, ni francés, ni italian... Es utile un ambaissador de l'UE en Confederacion Helvetica ?

ambaissador anglés en Confederacion Helvetica

Nos podèm pausar tres questions (per temps de restriccions budgetàrias) :

- perqué cal un ambaissador de l’Union Europèa, a 300 km de Straßburg…

- perqué i cal mandar un anglés, Estat que desconsidèra l’Euròpa, e el tanben…

- parla pas las lengas veïcularas de la Confederacion Helvetica, ni alemand helvetic, ni italian, ni francés, ni retoromanch, ni arpitan ?

Quora i a una candidatura per l’Union Europèa, se demanda sistematicament la lenga de l’Estat qu’es lo mens europeïsta, es de dire que l’anglés es obligatòri. Mas se parlatz alemand, italian e francés sètz desconsiderat… La tecnica es coneguda ; es la tecnica francesa per destrusir las lengas. Es clar que la politica de desvolopament de la pluralitat lingüsitica europèa es en contradiccion ambe los actes de recrutaments europèus.

Nommat un ambaissador de l’U.E. que parla pas las lengas de la Confederacion Helvetica es jà una marca antieuropeïsta de grand nivèl. E Quí nomma los ambaissadors aqueles ? De quina manièra la representacion parlamenària europèa podrà questionar la comission sul tèma, un pòste inutil ambe la fauta de coneissença lingüistica ?