A la naissença d’Argèria, la talvera s’escota perqué parla…

Dins un programa de France Culture, se parla d’una populacion dicha europèa pels nacionalistas musulman argerian o europèu integrista republican. Mas la talvera en Argèria èra tanben una populacion per l’independéncia, favorable a deslargar fRANÇA sobr elo costat nòr de la mar nòstra, mas pas brica musulmana. Lo FLNA a fabricat un nacionalisme per aver l’independéncia, èra estreitament ligat a l’integrisme musulman (contra lo MPA per exemple), o a un dreit d’Estat ligat a la religion mulsulmana e las seunas interpretacions del moment (1963) [sabèm que las interpretacions religiosas son estadas sempre objectes de guèrra en Occitània, e qui supòrta ? Lo pòble occitan dempuèi sègles).

Podrèm aital melhor entendre mantunas pensadas politicas francesas de uèi, e sobretot l’extrèma-dreita francesa, quitament l’extrèma-esquèrra natinacionalista basca o còrsa, o occitana, o bretona, etc. Podrèm tanben melhor entendre aquesta faiçon de valorizar lo cristianisme catolic per desvolopar una pensada politica per la ciutadanetat francesa en Occitània. De mai, se podrà tanben melhor entendre las resisténcias al nacionalisme occitan per mantunas populacions occitanistas. Lo miralh sobr ela talvera de l’Argèria independentista dona una vision mai clara del païsatge politic francés en Occitània, es tanben un biais de melhor entendre las reaccions de las comunautats josivas o autras a l’arrobada de l’occitan dins un sistèma francés qu’a considerat que l’occitan èra netejat e que ne caliá pus parlar.

Es donc un programa fòrt utile : «es sobre la talvera qu’avèm la vertat» segon Pau Froment.

D’escotar en linha aquí.

E alara podrèm considerar que la Guèrra d’Argèria es pas encara acabada dins l’Estat francés. Sobretot quora un president de fRANÇA explica : «tu aimes la France ou tu la quittes»… sona coma una responsa al nacionalisme argerian, ultramusulman, que expliquèt als europèus o considerats aital «t’agrada l’Argèria que fasèm o la daissas». Recordèm nos lo document que circulava la primièra annada de la seuna eleccion :

Lo fenomèn aurà encara consequéncias sobre las eleccions venentas, e sobre tot aprèp l’arribada dels partits musulmanistas en Tunísia, Marròc e Egipte ; i son en Argèria jà. Sense cap de dobte. Es donc un programa fòrt utile.