L’estacion de Labèja, en aglomeracion tolzana, a obtengut una frequéncia dins la “Santa Capitala” parisenca ; es una bona causa, de moment que la decision de programacion damora a Labèja, e non pas coma RMC puja a París, per desnegar lo país e l’accent occitan de l’antena, e farà aital la pròva que François Fillon a rason en matièra de «tradition et valeur françaises», son discriminantas per la causa e identitat occitanas, quitament ambe los Occitans de la sotmission politica e lingüistica, los que fan la comunicacion de las escòlas de comunicacion tolzana, e que se vòlon fòrça plega-esquina sul subjecte.
Donc se cal adaptar… Tolosa dèu pel primièr còp prepausar als Parisencs una vision del monde, un programa radiofonic coërent, vist qu’es provincialista en Occitània, que podrà donar a Paris. Perqué Tolosa practica la discriminacion positiva pels Parisencs ? Quí me podrà explicar ? Ai pas verificat, mas i aurà un programa especial per Lyon ? I a pas de programa especial per Marselha !
Soi sempre espantat per la vision dels fabricants de comunicacion dich de ‘grand public’ e del ‘grand sud’ (o Occitània pels ignorants o pècs qu’escótan leugierament Sud Radio), e que decidíscan en Occitània, sempre. Es de se questionar grandament, en nom del grand public aquel.
Un espèr damora, un amic foncionari a trabalhar a Marselha, res per el a cambiat. Puèi pujent a París, los seu collèga l’an catalogat OCCITAN. Trabalha dins la polícia. Donc i a de l’espèr per Sud Ràdio, un programa pels Occitans de París ? Un programa de discriminacion positiva per desvolopar l’identitat occitana fòra país ? Se lo cas èra, i caldrà trapar una confirmacion, los Occitans son d’espsicanalizar.
Quí me podrà explicar melhor ?
Cap comentari:
Publica un comentari a l'entrada