A los que sabián pas de qué serviscan «Les Identitaires», sembla ara mai clar ; es una aisina per ajudar las redaccions a poder manipular l’opinion, quines fosquèssen los subjectes. Aital los politicians de l’UMP o del NC o del PRG-PSF, an pas cap mestièr de prendre pausicion sul tèma pausat per «Les Identitaires» o per totes los extremismes nacionalistas franceses, e la vida de l’inocéncia politiciana contunha en patz bonapartinum.
Mas abans de determinar lo contengut de l’article del JDD, se cal pausar un pauc la linha editoriala del jornal que prepausa l’article e lo potencial de nosença que portarà l’article, per favorizar lo candidat privilegiat. Per saber per quí votarà lo JDD cal legir la portada Internet :
En matièra d’abséncia podèm èstre estonat que lo JDD sapiguèsse jà quines candidats auràn las 500 signaturas, e quitament de pensar que Frédéric Nihous –CPNT- aurà pas las signaturas, per exemple. Mas podèm tanben gaire oblidar que «Le Parti de la France» (extrèma-dreita) es tanben dins la corsa… E soi segur que ne podrèm trapar d’autres partits a l’esquèrra nacionalista francesa, Le Parti des Travailleurs, per exemple. Pel moment ai pas encara vist una lista de la quantitat de signturas dels candidats en cerca de las 500 signaturas. Es normal. Alara perqué aver decidat jà la lista ? Quí dona l’informacion al JDD de la lista finala de las candidaturas ?
La causa es dicha, lo JDD sembla rotlar pel conservatisme al sistèma del bipartisme francés ; lor agrada pas los que vòlon cambiar de taula democratica. Lo JDD es un jornal conservador, distribuat lo dimenge a Tolosa en companhiá de La Dépêche du Midi. Podèm tanben considerar que la causida d’aver pas de clucas per Eva Joly –un simbòl de campanha- es tanben un punt de vista politic, vist que la cristiana de servici ela pòrta clucas ! Lo JDD li agrada tanben la paraula de Chevènement, ambe la fòto causida ne podèm èstre assegurat. Veirèm lèu se la causida de la lista de fòtos serà la bona, la prescripcion seguida pels electors ?
Anèm ara al tèxte prepausat :
Lo JDD es ajudat per la publicitat d’un grand de l’immobilièr francés ; es present pertot ont i a problèmas immobilièrs.
Lo tèxte es particularament interessant per saber lo nivèl de manipulacion que portarà la premsa parisenca en general pendent aquelas eleccions. Se cal recordar donc que lo JDD es lo meteis grope industrial que la ràdio Europe 1 e que lo seu pdg a clarament sostengut l’UMP e la candidatura de Nabot Ier per las eleccions passadas ; es ligat a mantunes mercats d’Estat, e particularament militars.
La redaccion es interessanta per integrat Nissa Rebela dins un sistèma dels «Identitaires» (la redactriça dèu saber legir las paginas Internet, èstre sul terrenh sembla pas son problèma) ; «Les Identitaires» son en general provincialistas tipe Maurràs,e ancians militants o elegits prèp del FN, simpatisants mas regionalistas (* caldrà explicar la diferéncia entre regionalista e los autres movements politics en region que son pas regionalistas, coma lo redactor del bilhet aquel ?), coma l’avèm poscut verificar dins mantunes articles publicats dins la premsa provincialista al moment de pichons regropaments los meses passats, dins luòcs de reünion public (aquò faguèt sovent d’ondas politicas dins los vilatges concernits). Podèm alara confirmar que lo FN a «netejat» los elements provincialistas del movement nacional-expansionista francés. La fauta de sabers en sciéncias politicas (fòra las parisencas) sembla èstre lo rebat de l’article.
Donc fasèm los comptes, avèm tres movements d’ultra-dreita nacionalista francesa (aquò París zo sap malgrat las oblidanças de l’article) : FN, Parti de la France, Les Identitaires. E avèm una premsa parisenca que fabrica l’amalgama per ajudar lo candidat de la casta nacional-expansionista de Neuilly/Seine. Mas l’extrèma-nacional-expansionisme francés es pas una exclusivitat de la dreita, l’avèm tanben a l’esquèrra, ambe Chevènement e Mélenchon. Donc podèm confirmar per 2012, seràn las eleccions, mas una brava mèrda in fRANÇA, una «tradition et valeur française» segon François Fillon, l’Angevin que traparà tanben un niu d’eleccions prèp dels Hauts-de-Seine, dins la santa capitala.
* en patués parisenca novèl, l’aficha explica : daissa lo meu pòble partir… una comèdia francesa ; la podèm considerar coma trista, trista comèdia electorala franchimanda. Mas la redactriça dona aquí tanben un triste article.
Cap comentari:
Publica un comentari a l'entrada