arcuèlh

divendres, de desembre 02, 2011

L’Acadèmia Occitana es nascuda enfin !

Avèm enfin la règla generala per l’occitan, un trabalh excepcional que cal remarcar e valorizar ; perqué ? Perqué l’occitan a mestièr de seriós, e d’una règla generala comuna, sense abandonar las particularitats que fan mestièr per la lenga nòstra, e que fan que l’occitan es lenga pont de la latinitat.

Acadèmia Occitana

La comunicacion d’aquesta novèla institucion occitana es un pauc complicada a la debuta, mas lo site acaba d’espelir, aquò farà tres jorns ; es una iniciativa tolzana qu’amerita d’èstre compledada de totas las participacions volontàrias, e benvolentas.

Occitània se desperta per anar cap a la dignitat.

Alara que La Dépêche du Midi se tracha de saber quin “bon“ accent cal dins lo francés de Tolosa, l’Acadèmia Occitana espèra un article dins lo meteis jornal per aver una visibilitat mai bèla per la lenga nòstra.

Alara que lo folclorisme occitan parla de Oèb, l’Acadèmia Occitana pensa a la comunicacion en lenga occitana, web es preferit. Nos cal un occitan modèrne e ara nos cal una legalizacion per la lenga occitana, un aval legal de las institucions politicas ; cal empelgar l’occitan pertot en Occitània.

L’Acadèmia Occitana trabalharà ambe lo sistèma catalan de la semantica e de sa modernizacion. Se vòl un instrument per l’avenidor de la lenga occitana. Es astrós pel futur.

L’Acadèmia ajudarà.

-°-

E mantunes jorns pus tard, en Corsega :

Lògo Corsica Libera

La diferéncia, es que serà oficiala (per vòt del Conselh Territorial de Corsega, gràcia a Corsica Libera), aquesta Acadèmia di Corsica, per i Corsi.