arcuèlh

diumenge, de maig 05, 2013

120.000.000 € per un pè militar nacionalista francés

La soma a petat dins lo cèl planetari e es partit del sòl breton, coma o recòrda lo site Internet d’informacion 7Seish.

Yes Breizh

Lo meteis site indica que l’afar la paga totes los ciutadans del mercat-Estat-nacion fRANÇA e en periòde de recession economica, sobretot suportat per las entrepresas privadas e gaire per l’armada francesa nucleocrata e las administracions bonapartistas o de la decentralizacion, aquò nos pòt qu’estonar per un assag mancat, un assag mancat al modèl republican e tricolorat. Es la confirmacion de l’Estat bonapartista francés que lo militarisme es pas acabat malgrat que l’esquèrra francesa se ne vòl del pacifisme l’egeria politica.

Dins un comunicat trufandièr, que cal notar aquí e en lenga occitana, l’«Observatoire du Nucléaire», sola associacion que pratica l’ironia contra l’armada francesa, podèm legir :

"51 je t'aime" : lo missile M51 cad a l’aiga, França es atomica e dins lo patís

Dempuèi 60 annadas, las "elitas" francesas pretendon èstre a la punta de la tecnologia nucleara, mas de facto desmostran exactament lo contrari, autanplan sul nivèl supausadament "civil" (*) que sul plan militar (** apondon personal).

L'escàs gradiós del missile nuclear M51, qu’a petat en vòl aquiel dimenge 5 de mai de cap a las 9 oras trenta (sense carga nucleara plan urosament) abans de càder dins l’aiga, es tornamai la demostracion de çò que l’industria militara e nucleara es mai que tot capable… desgalhar montanha d’argent public (*** apondon personal).

Sensa caminar dinca pensar a una politica pacifista (lor cal pas grandament demandar), las autoritats francesas aurián poscut se militar del precedent missile, lo M45, qu’ajuda jà de vitrificar mantunes objectius estrategics de la planèta, e d’atomisar milions de personas segon las necessitats las mai pacifica del monde politic de la dita "dissuasion".

Mas non : aprèp aver probablament consomat grandament de pastís, las nòstras elitas (**** apondon personal) an debutat de cantar lo refranh  "51 je t'aime " e lançat ambe grand pompa lo programa M51. Anuèch, los projectes de la França bellicista son cadut a l’aiga de la mar grana a la meteissa ora que l’aperò.

La realitat dels las mai brutas : mantunes estats supausats n’aver qu’una tecnologia arquaïca, tala la Corèa del nòrd e l’Iran, fan melhor que França dins lo maine dels missiles balistics.

Es urgent de tornar bastir una linha maginòt, aqueste còp-segur tot al entorn de l’Exagòne : aquò segur farà d’emplecs nombroses sense èstre mai eficaç que lo programa atomic francés.

Arma nucleara en Escòcia

(*) 54 des 58 réacteurs nucléaires "français" sont en réalité américains (licences achetées à Westinghouse dans les années 70), et les centrifugeuses de la nouvelle usine "française" d'enrichissement de l'uranium (site du Tricastin) ont été achetées par Areva à son concurrent européen Urenco.

(**) lo plan militar republican francés es anuèch tot sul nuclear, un pauc coma la linha maginòt d’un còp èra ; per contra, per vestir e protegir los sordats al Malí sembla que fosquèsse pas una prioritat, son familhas de Catalonha, o Euskadi o Occitània, aquò aurà pauc d’importança, «son pas francés» per morir per la santa republica, o pòdon plan seriosament. Per pagar l’impòst son franceses, çaquelà !

(***) d’argent public ne fauta pas per l’armada, en Espanha, coma en França, e sembla qu’en periòde de crisi las causidas fosquèssen mal adaptadas en Espanha, pòst-franquista, coma en França, pòst-bonapartista.

(****) las nòstras elitas son conegudas e totas militaristas, de la recèrcas universitàrias dins a las escòlas ENA and Co, sense comptar ambe las escòlas militaras que son benlèu las mens bellicosas. Lo bonapartisme es la règla republicana coma l’estalinisme pel sovietisme.

Còst dels missiles M51 

-°-

Pels Angleses, l’especialitat francesa es lo pan, lo beret e lo patís, mai de 2/3 son occitans ! Pagam sempre per las estupiditats del militarisme e nacionalisme francés.

NON pas abandonar Síria