Aprèp la BBC 3, France Inter, Mondomix, RFI Musique, mantunas ràdios occitanas (Ràdio Occitània, Radio Lengadòc Narbona, Ràdio Albigés, Ràdio País, Ràdio Gasconha) e catalanas (iCatFm) [ai segurament oblidat mantunas ràdios l’oltra-mar, d’oltra-atlantic], NÉO lista Moussu T e Lei Jovents coma un disc occitan que cal plaçar a l’escota. NÉO es una ràdio privada francesa e de tempò musical plan determinat ; se podrà escotar en linha ambe aquel bilhet en clicar sobre.
Lo tèxte de promocion de listatge de NÉO es tanben utile de legir, es evidentament una presentacion que valoriza lo grope, mas es aital excepcional per una ràdio privada.
O cal plan notar es un succès marselhés e occitan del grope provençal Moussu T e Lei Jovents. An sabut dempuèi annadas valorizar l’emplec de l’occitan dins la cançon modèrna occitana ; al XXIen sègle las produccions de Moussu T e Lei Jovents son un pont entre las annadas que la lenga occitana èra de normala usança a Marselha (e seriá pas estada oblidada dins una annada culturala), dinca las annadas de la crisi lingüistica francesa contra l’occitan, lo XXIen sègle que la Marselha capitala europèa de la cultura se fabrica sense l’occitan, mas ambe messa catolica en occitan (una pas mai !).
Las produccions cançonièras e musicalas de Moussu T e Lei Jovents fan aital lo torn de l’Euròpa, çò qu’es normal perqué son clarament ligadas al passat, dins lo present e per l’avenidor. Son aital una clau del desvolopament de l’imatge de l’occitan ; s’en cal felicitar grandament.
Moussu T e Lei Jovents son aital una representacion de la creacion occitana, causa de mantunes autres gropes occitans : Lo Dalfin (vira pertot en Euròpa), Gai Saber (que serà a Grussan lèu, mas vira tanben pertot en Euròpa), Joanda, Lou Daví, Òc (vira pertot en Euròpa), Familha Artús, etc.
Cap comentari:
Publica un comentari a l'entrada