Qué vòlon los Occitans ?

La question es pausada sistematicament a Franceses que son suspreses de l’existéncia d’una revendicacion occitana ; la reira-pensada es los Franceses an un Estat e los Occitans ?

E alara la question m’es pausada sovent directament, coma s’èri lo Napoleon de la decision dels ‘Occitans’ près quasiment dins una unitat que sembla normala autanplan que la susprèsa de la descoberta dels Occitans per un Francés que se questiona.

Alara vaquí la meuna responsa :

1 / Ai una idèa, mas per l'imposar, ieu personalament, es pas gaire democratica ; Soi ni lo Buonapuorte Napoleone, ni Charles de Gaulle, ni Robespierre, ni Ernest Renan, ni lo Maurici Barrès, ni Maurras. Lo sistèma del intellectual cesarista es pas un modèl occitan.

2 / la prepausicion es basicament çò que los Franceses an importat per los desvirar al sol profièich d'una casta del 78 'republican' ; Occitània a vist Parlaments e leis se desvolopar a l’acès dels Ducs, Reis, Comtes, Vicomtes, Monarques de tot escantilh, levat quora França es arribada. La republica es gaire pas lo monopòl francés, que li es injustament atribuat ; es pas una isolada fortuna que Montesquieu o Montaigne, La Boétie o Pierre Bayle an escrit en francés per l’explicar al rei dels Francs.

3 / Occitània es granda, una federacion de las 'régions' o 'terçons' o ‘tombadas’ occitans es idealament possible; serà complicat per Occitània, Occitània es pas Bretanha, nimai Alsàcia, nimai un terç de departament coma Iparralde, o un departament coma Catalonha del nòrd, o dos despartaments coma Savòia o una Iscla coma Martinica o Goadelopa ;

4 / Es evident que tota arquitectura politica respectarà los vesins del Sud (Euskadi, Nafrroa-Navarra, Aragon, Principat de Catalonha, Balears, Magreb), los vesins de l'Èst (Savòia, Piemont, Ligúria, Corsega, Sardenha) o lo vesin del Nòrd (Bretanha, Peitavin, França, País de Lyon) ;

5 / una politica reala d'arcuèlh de l'immigracion dels nords o dels suds tendrà compte de la cultura occitana e de sa coneissença. Informar los migrants de las civilizacions nascudas en Occitània e desvolopada aquí o endacòm mai, es essenciala per integrar las populacions ; las universitats devengudas occitanas serà tanben en carga de bastir las aisinas per desvolopar los ponts potencials entre la lenga de la migracion e la lenga del país nòstre.

Mas pel moment, França s’engraissa sobre l’ignorança bastida per l’escòla de Jules Ferry, e Occitània ne patís. Machiavel a rason, nos cal despertar per desfar lo tiran, es pas lo pòble francés, mas lo sistèma qu’acceptan de promòure, la République française ambe lo seu imne e la seuna bandièra parisiano-reialista.

-°-