Lo regionalisme del FN portat a París

Dins lo petit journal de Canal Plus se pogèt veire aquesta imatge (l’ai adobada), sèma la manifestacion per la puta Joana d’Arc, aquela que los Normands an graciozament cremat coma los Franceses avián las costumas de cremar los eretges, ambe eficacetat religiosa de l’Edat Mejan :

Vesèm que lo deputat del Gard, e del FN , pòrta la bandièra de l’Estat d’opression nacional-expansionista francés. Es una causa classica dins los elegits republicanistas franceses.

Mas çò de la normalitat es actualament, la preséncia de bandièra dels elegits regionalistas dels Conselhs Regionals fabricats per la decentralizacion de la lei volguda pels Gaulistas, puèi formalizada en 1982 per l’esquèrra nacionalista francesa, Defferre aviá problèmas marselheses ambe l’Estat centralista francés, e la prefectorala.

Sempre lo FN es lo primièr per criticar los modèls de la decentralizacion, per li preferar la prefectorala ; çò que fa qu’en Provènça se creèt la ligue du Sud, sobre las meteissas basas militantas, o quasiment, mas ambe mens de notorietat ; es lo sistèma de las doás dreitas francesas que se tòrna formar a la dreita de l’UMP-NC-UDI, una jacobina e l’autra maurrasiana ; e lo sistèma dels eletors e de las electriças es fabricat per respondre al sistèma mediatic botat en plaça per favorizar «la familha Le Pen», coma la presenta lo petit journal de Canal Plus, o iTele...

Ambe la bandièra administrativa regionalista e de la decentralizacion de Lengadòc-Rosselhon avèm l’òme de Marine Le Pen, lo ciutadan nascut en Arièja, M.Aliot. E aquel per èstre elegit CR en Pirinèus-Orientals, es alara Conselhièr Regional a Montpelhièr, e donc proprietari d’una bandièra que passeja a París, en companhiá de las bandièras nacional-expansonistas parisencas.

Lo malastre es que cap question sul tèma serà pausar al Conselhièr Regional Aliot que se passeja a París, dementre que un Conselhièr Regional socialista se fabrica un estatut d’elegit, deputat, en Nauta-Garona.

Çò de mai estranh es qu’aquesta bandièra regionalista, la passeja tanben totes los elegits del Partit Occitan, los avèm vist a Rodés… Mas benlèu que sábon pas far la diferéncia entre regionalisme e nacionalisme (sense expansion) ?

Lo POC se passeja a Rodés, e pòrta plan la bandièra regionalista (aquela de la decentralizacion) o la bandièra francesa. Lo FN fabrica la meteissa engana a la manifestacion del 1er de mai a París, coma l'a poscut indicar un filme del Petit Journal de Canal-Plus.

Es pietat que lo POC posquèsse pas encara donar una imatge politica mai clara, car cal pas pegar al sistèma de la decentralizacion, lo FN farà parier ! E las enganas seràn aital aisidas.