Mantunes documents trufandièrs se passaja sul net, per exemple aquel :
Ai entendut aqueste maitin un bilhet editorial qu’èra plan argumentat per non demandar la demission d’un ministre – sonque ; los mèdias parisencs i van sempre a docina ambe mantunas fòrças esportivas e foscas de l’antidemocracia, finança e espòrt (cal notar que la cadena esportiva qatarina a censurat l’afar a l’antena, dèu aver res de veire ambe l’esponsòrt oficial – EDRC); çaquelà anirai mai luènh, aprèp l’afar e perqué còsta a totes de passejar la polícia per se far castigar per gaire de causas qu’un juec de pelòta ronda, mai luènh en vos daissar lo temps de la legir o de l’escotar sul site de France Culture.
« N’avèm mantunes acarament en diverses punts de la vila. aquò trantalha e aquò podriá durar una mai granda partida de la nuèit segon las autoritats. Los suportèrs del PSG an destrusit una estacion servici. Mantunas vidras son petadas, mantunes veïculs son estats cremats »… Se parla del raconta de las susmautas al Trocadéro ? Non. Es lo rendut-compte d’incidents a Marselha en genièr 2010, e donat pel jornal 20 minutes. An debutat aprèp l’annulacion del partit OM-PSG. D’unes faits similars d’aquel d’abans-ièr a París, ambe una excepcion totun. Lo ministre de l’interior se sonava Brice Hortefeux, UMP e digun a demandat la desmission… («e mens de mèdias per difusar en directe.» apondon dit a l’antena e non redigit sul site de France Culture)
11 d’abrial 95 : 146 personas son arrestadas, e 9 policièrs son estats espitalizats aprèp una mièg finala de la copa de França entre lo PSG e l’Olimpica de Marselha. Lo ministre de l’Interior se sonava Jean-Loís Debré, RPR. Digun forçava per lo desfar de la plaça…
Lo 13 de març 2001, 56 suportèrs turcs son nafrats, 24 son arrestats, lo partit PSG Galasatarai es clavat. Daniel Vaillant, parti socialiste es ministre de l’interior, cap votz pujèt per vóler lo seu despart. […]»
La tribuna contunha e prepausa un balanç istoric de las trenta darrièras annadas ambe lo PSG. Mas cap prepausicion a la finala.
E se prepausiam la supression de l’associacion esportiva e comerciala PSG S.A., per sonque parlar d’aquel afar, supression de l’associacion per una rason simplassa : es un dangièr per las proprietats privadas e per la patz collectiva.
Es un jornal del proprietari Dassault, lo productor de Rafale, que lo bon client es al Qatar… e militant UMP.
-°-
-°-
E quora un Parisenc nacionalista francés se desplaça en Bretanha, podèm aisidament, sense La Pradeta a Tolosa, podèm pensar qu’un :
… qu’un avis de tempèsta es normal.
Cap comentari:
Publica un comentari a l'entrada