Montpelhièr, regionalisme del cap d’Oz

Dins l’incastre inegalitari de sistèma politic e sosial francés, lo personal politic de la decentralizacion, sotmetut e als òrdres dels partits o del poder centralista, se vei forçat de recebre, non pas tota la misèria del monde, mas totas las populacions del nòrd que vòlon solelh e platja per i trabalhar dins condicion melhora qu’a París. Donc, Montpelhièr es devenguda lo mai grand centre d’arcuèlh de la «pauretat» sociala nordenca, francesa donc, dins una banda de tèrra entre la garriga e la platja, ambe infra-estructura inexitenta ; lo fenomèn a debutat mai o mens al periòde final de Georges Frêche e se persèt anuèit. Per aiçò far Montpelhièr, se paga lo seu urbanisme novèl e inovador, sul sicut regional, l’esquina paura de la decentralizacion ; la comuna de la Dòna Mandroux presentèt lo seu plan d’urbanisme novèla ambe lo barri Oz creat sus la garriga justament ; e las parçans que págan per Montpelhièr-Ciutat-del-Millenari, ara Montpelhièr-Oz, son alara luènh de poder se pagar de las politicas pròprias de desvolopament, o simplament un plan pròpri d’urbanisme coma Montpelhièr o amerita, benlèu.

Aquò es sabut dins tota la region concernida, dins l’Aude, a Nimes, mai tanben a Perpinyà, sobre tot a Perpinyà …

Donc a cada vagada que lo novèl plan d’urbanisme de Montpelhièr arriba, las criticas son aquí que se fan claras, quora la premsa montpelhierenca ne vòl escriure unes mots…

Aquí al document junt avètz la critica del movement politic Unitat Catalana, present al conselh municipal de Perpinyà, e als afars, pòt clarament veire las desgalhas que fabrica aquestas inegalitat regionala, degut a las migracions francesas en Occitània.

Es plan clar que la creacion d’una region Catalunya Nord es devenguda de mai en mai urgenta, e benlèu que l’Aude auriá qitament interès d’i dintrar ! Dins lo departament de Pirinèus Orientals faguèron un plan per la visibilitat lingüistica catalana, e occitana en Fenolhedés ; aquel plan s’espèra encara dins Aude… La proximitat d’Aude ambe las realitats economicas e socialas del Fenolhedés fariá una region administrativa e politica acceptabla per l’Estat centralista francés, puèi ajudariá als Occitans de se despertar un pauc fàcia a l’aglomeracion de Montpelhièr que pompa totas las resorgas economicas regionalas.

Se las causas damóran aital, lo regionalisme installat pels Parisencs serà sonque la creacion de las inegalitats republicanas dins aquesta páura region administrativa del grand sud.

-°-

Concèrt CAOC al Monestir de Sant Cugat, Principat de Catalonha.