Gandhi per Occitània, Niça comprès.

Dins la via catalana, podèm saludar lo bilhet gandhista d’en Alfred Bosch

Se cal pausar mantunas questions diplomaticas sobre lo provèrbi pausat dins Nice Matin per la pagina “patrimòni” de Niça (per se limitar a-n aiçò), la règa 75-1 de la lora constitucion parisenca :

Aquí dins lo provèrbi aquel vesèm cap bonas manièras, nimai dialògue dins las paginas de Nice Matin.

Aprèp 1830, e lo referèndum tòrt de las autoritats militaras francesas, podèm dire que Niça a obedir al mèstre, bonapartista dedins e fòra l’administracion francesa… E anuèch lo mèstre, dedins lo jornal o votz oficiala de Niça, signali a los que vòlon se servir dels conceptes politics mondials per discutir, repotegar, despertar, aluzerpir, son pregar, pregar (es un mot religiós que conven plan als republicanistas, de Niça o d’endacòm mai en Occitània), d’obedir al mèstre encara, e encara per melhor migrar o se far espotir per una casta de la pensada parisenca, forana per tot dire.

Me soi sempre pausat la question : se son talament aimador de la pensada parisenca, perqué i mígran pas dins la santa capitala ?

Es vertat que sembla fòrça a la manièra de far dels franquistas o musolinians, mas aquí devath l’etiqueta République Française e a Niça ; lo blau aital manejat m’agrada gaire.

Per èstre estat foncionari de l’Estat francés, cal aver oblidar, las «bonas manièras» democraticas, o simplament dins un debat totas las paraulas devon aver dreit d’èstre bailada, basic non ?

Sabi a Niça, d’unes que, per fe cristianas occitanas, seràn lèu gandhistas coma Alfred Bosch, de moment que los mèdias e la partidocracia es pas de lor costat. Sabi d’autres que fan usanças d’aiçò per espotir encara mai las volontats ciutadanas d’èstre de Niça e pas sonque pel folclòre –tant polit que fosquèsse. E aiçò se podrà trapar pertot en Occitània, es una règla que podèm far passar Var, Ròse, o Garona, veire tanben Dordonha.