arcuèlh

divendres, de maig 03, 2013

D’elegits de Bordèu se son despertats !

S'esperava aiçò dels elegits del POC, del Parti Socialiste de Tolosa o Montpelhièr, dels elegits de Provènça, o Auvernhe, Lemosin, Droma-Ardècha, etc.... e bè non es Bordèu que la crida es venguda !

Ratificacion demanda de Bordèu

La question se podrà pausar, es que val melhor venir manifestar a Rodés, o èstre militant del Parti Socialiste a Bordèu ?

D’unes pensan que cal manifestar encara a París, son de Montpelhièr, benlèu perqué lo personal politic de Montpelhièr es mens fòrt sul tèma (e çaquelà assegurat tanben d’èstre elegits socialistas, e candidats al minímum, autanplan qu’a Bordèu ! A Montpelhièr i vesèm quitament un cargat parlamentari de l’elegit EELV refusar las protestacions occitanistas sul seu FB), mens fòrt que los de Bordèu, donc. A Montpelhièr i son arribats per aver un panèu en occitan ! Donc a Montpelhièr l’idèa es venguda d’anar manifestar a París ; es plan l’idèa que Georges Frêche aviá desvolopat d’annadas e d’annadas, París val plan una messa.

E l’estranha istorica vòl que son encara los de Bordèu que fan cridas juridicas e zo fan coma los aujòls que faguèran la traduccion en occitan dels Dreits de l’Òme en 1790 … Çò d’estranh es que manifestar per l’occitan a Bordèu, es arribat sonque un còp per aver un programòt en occitan a France 3, grope parisenc France Télévision. E l’an agut, quasiment dins l’annada. Alara qu’a Tolosa, la municipalitat sepausadament favorabla a l’occitan, e que paga la TLT, res es vengut ss l’antena de TLT, res del tot. TV7 a Bordèu es una cadena del grope Sud-Ouest, la premsa papièr. TV Montpelhièr es pas contra l’occitan, mas degun li a prepausat un programa.

La question se pausa donc, es que val melhor èstre militants socialistas e dedins lo sistèma a Bordèu que militants del POC a Tolosa, Montpelhièr, Clarmont-d’Auvernhe o Ais-de-Provènça ? Dedins lo sistèma a Tolosa sabèm un solet militant, la causa avança gaire, pas pron clarament de tot biais. Donc, a Bordèu, podèm pensar qu’es l’aire atlantic o/e de costejar Iparralde qu’ajuda a melhor comprendre lo tèma… O podèm listar los problèmas sociologics tolzans, d’Auvernhe o Lemosin que son unes frens ontologics per bolegar las mentalitats franchimandas e nacionalistas francesas ; podèm far clarament lo meteis constat per Provènça-Niça-País-Gavòt ; e quitament podèm confirmar que la guèrra contra la refòrma protestanta se faguèt primièr a Tolosa (l’aniversari del 10 de mai arriba), e la discriminacion del francés per l’occitan se decretèt a Tolosa, e dins la DDM, sense gaire reaccion del personal politic socialista-PRG-EELV-POC (tot tolzan), nimai UMP-UDI a Tolosa; es vertat que, quora l’IEO refusa de lançar una petition pel mètro de Marselha en occitan (ambe l’exemple tolzan devath lo pretèxte que Tolosa es pas Marselha, nimi Niça çaquelà !), la question se pausa de l’aire marin que frena lo desvolopament de las revendicacions en Provènça (lo pichonet territòri que se vòl Provènça al torn de Malhana), dos elegits al CR del POC, e vesèm avançar a doçina e sobretot amagat, l’occitan en Provènça, e fan una critica malconvenenta de las revendicacions rasonablas de Niça.

Alara, anuèch cal felicitar Bordèu per l’iniciativa socialista.

arbre copat