S’acaba de votar per la co-oficialitat de las lengas còrsa e francesa ; es lo primièr còp qu’una POLITICA lingüistica d’egalitat lingüistica es votada a l’interior de l’Estat francés. Determina coma al Quebèc per la lei 101 (lei per la lenga francesa), o en Catalonha e Euskadi unas règlas per la dignitat lingüistica de la lenga mesprezada (lo modèl de la lei còrsa es un modèl catalan segon un elegit de l’ATC), las règlas per l’installacion digna e publica de la lenga còrsa a egalitat ambe la lenga francesa.
Es un modèl per totas las regions de fRANÇA e l’Estat republican francés qu’a en carga mai de 77 lengas, dementre l’occitan que nos es d’un primièr interès.
Cal notar que se faguèt aprèp un debat long de tres jorns, e que los comunistas an frenat l’adopcion, ambe d’amendament establit per negar lo peis. Classifica l’esquèrra comunista dins lo camp de los qu’an pas participat al vòt es de dire la dreita francesa de Corsega, que non vòl d’obligacion de la lenga còrsa, mas de l’obligacion del francés (donc defendon una règla d’apartheid e de non-egalitat lingüistica, coma mantunes coorporatisme d’ensnehant a l’Estat francés continental europèu).
Se cal recordar que los Alternatius, lo PdG e lo PCF, fan lo FdG ; la paradòxa es que cadun dels militants sus aquel subjecte a un punt de vista variat, çò que per concènsus fabrica un NON a dignitat e egalitat de las lengas de França ; alara aquò cámbia pas dempuèi matunas annadas, ajustat a l’administracion que, per ignorança, n’en vòl pas, avèm aital la situacion de dangièr erp las lengas de França, determinada per l’UNESCO mantunas annads farà. Aquel non cambiament fabrica un nacionalisme lingüistic particular, e que nega al desvolopament de totas las lengas de França, occitan comprès (mas nosautres aqueles ‘comunistas’ son a l’universitat per las formacions dels professors, e aquò es lo problèma d’Occitània.
Cal aital questionar encara un còp los comunistas de l’universitat de Montpelhièr, que els, an descobert la situacion còrsa en viatge l’an passat !!
Pron clarament, los elegits e las elegidas de Corsega, qe cal felicitar, nos pausan la question : mas que fasèm en Occitània per votar aquelas co-oficialitats que necessitam autanplan qu’en Corsega ? Lo deputat enropèu Alfonsi, Parti de la Nation Corse convidat pel Partit Occitan, expliquèt a Tolosa, ièr, «es un rapòrt de fòrça electorala» ; mas farèm una adicion mai seriosa qu’el, dirèm que son mai de 36 de cent los ciutadans e las ciutadanas de Corsega qu’an votat per la co-oficialitat de la lenga còrsa, el parlèt de sonque 36 de cent… Femu a Corsica ; mas son pas solet !
Mas tornam dire qu’i a elegits de Corsega qu’an daissat l’Assemblèa Territoriala de Corsega (ATC), e qu’an pas près al vòt ; es pron fòrt per una categoria d’elegits que se vòlon democratas. I a pas agut cap abstencion, 36 vòts per, e 11 absents al vòt.
Lo jornal de Via Stella, cadena còrsa publica de television en doás lengas de grope France Télévision, prepausa cada ser sus l’actualitat de l’Iscla de Corsega.
Podèm tanben sempre segir e en doás lengas tanben las informacions de Alta-Frequenza, l’estacion privada de radiofonic de Corsega, sol a prepausar aquel bilingüisme radiofonic.
La co-oficialitat es pas la guèrra, es justament una causa de la democracia, sense co-oficialitat en occitània, podèm dire que la democracia es pas encara en République Française.
Cap comentari:
Publica un comentari a l'entrada