L’immersion lingüistica es lo melhor mejan per reviscolar l’emplec normal de las lengas ; serà encara e encara solament Calandreta per Occitània; la causa de l’immersion lingüistica es claríssim, en País de Gallas, Irlanda del nòrd, Flandras, Euskadi, Catalonha (Principat), e tanben per Occitània ; dempuèi 30 annadas qu’aquestas escòlas per immersion lingüistica, Calandreta, se fabrica gropes musicals quasiment ambe los ancians calandrons, e jornalistas qu’an pas mestièr d’un estatgi de prononciacion de l’occitan, etc … Per las escòlas d’Estat francés, per equitat lingüistica, la resulta es magra, e çaquelà son mai nombrosas ! Mas de tot biais, i a pas cap estudis INDEPENDENTS, e donc fòra universitat, o satellits de tot escantilh (Oc-Bi, CNRS, Felco, IEO, Felibrige), que me faguèt la pròba de l’eficacetat de l’Escòla d’Estat pel reviscòl de la dignitat occitana, quitament se Calandreta es pas la perfeccion, segur vist los mejans dinerièrs qu’an – o diràn segurament dissabte a Agen. Donc quora legissèm aquò :
E quora legissèm aquò, confirmèm que la guèrra contra los patois es pas acabada. Malgrat totas las prepausicions educativas, l’immersion es una causa que podriá èstre una practica per totes, e non pas una pichona casta chançosa.
Lo personal politic francés jòga encara lo seu ròtle de netejament lingüistic, en refusar un modèl d’ensenhament qu’es lo mai premiat dedins l’Union Europèa per totes los especialistas de la question.
Fabrica tanben una interdiccion per l’Éducation Nationale, qu’es prejudiciable a la meteissa Éducation nationale qu’a mestièr de se modernizar, e de sortir del Jules Ferry länder, per dintrar al XXIen sègle.
Cap comentari:
Publica un comentari a l'entrada