Ofensiva ministeriala sul tèma ‘L-Rég’

L’expression ‘Langue régionale” (L-Rég) sembla devenguda un imperatiu pels capdals socialistas en “province”, perqué ? Sembla que la revòlta ganhèsse. Donc avèm un article sul tèma dins L’Indépendant a Perpinyà, e dins Sud-Ouest a Bordèu. Nos avisarèm aital que Midi Libre, e La Dépêche o La Provence, o Le Progrès o Le Dauphiné, o L’Écho du Centre, o Le Populaire, o La Montagne, o Centre Presse, o La République, semblan pas aver trapar un ministre concernit pel subjecte, o semblan pas aver las “langues régionales” dins las listas de questions de pausar. Podrèm tanben remarcar que l’afar sembla tornada dins los papièrs dels jornals de província dempuèi tres o quatre eveniments e sobretot los debat que Paul Molac (UDB-EELV) e Martine Faure (Parti socialiste de Gironde, los autres departaments son mai calmòs !) ne faguèron una lutz especiala per las “lengas dichas regionalas” alprèp del personal dels ministèris que fan la redaccion de las leis. Cal listar lo vòt de co-oficialitat en Corsega, e la pichona animacion boicotada per Radio France, a l’UNESCO.

Lo primièr es concernit, car èra a la manifestacion del 30 de març 2012 (e Òc!), per demandar un cambiament de la constitucion, (e Òc!) ; donc dèu mestrejar lo subjecte, e los Catalans del nòrd son segurament estats susprèses. Per l’autre, la bolegadissa de RMC-Infos li faguèt saber que lo dorsier èra caut, e lo seu reson –passatge simplàs sus RMC-Infos- foguèt mai grand sul tèma de las “langues régionales”… Donc l’un e l’autre semblan aver près consiéncia que dins las prioritats, i a la promessa n°56 de François Hollande.

Se cal recordar tanben lo trabalh declarat del senador girondin Alain Anziani, que, dins una frasa FB, faguèt saber qu’an trabalhat per la redaccion dels esmendaments sobre las “langues régionales” e la lei de decentralizacion. Paul Molac expliquèt dijòus a Tolosa, que la redaccion dels esmemdaments seus, son totes estats re-escrits, veire eliminats … comprenèm alara lo trabalh d’Anziani al Sénat, e la sortida del president del Sénat.

Podèm tanben mesurar l’utilitat d’Internet per virar aviat responsa sobre aquesta oblidança grèva, la promessa  n°56.