Lo Grand Tolosa es presentat coma una causa essenciala per la sobrevida de Tolosa dins la geografia europèa. Es çaquelà un biais de desvolopar lo bonapartisme ; qu’es aquò lo bonapartisme ? Es una aisina politica del XIXen sègle, un militarisme que çò que damora dins la republica francesa son causas multiplas, prefectoralas e l’idèa que fabrica chef, sul modèl militar ; la comuna qu’es la basa de la democracia en fRANÇA, es alara atacada de doás manièras : – en donar los poders unics al cònsol màger (e se sap que «le chef a toujours raison»), e ara – en fabricar las aglomeracions per elonhar los ciutadans dels elegits, de las votacions.
Alara se parla de participacion ; mas, concretament la ciutadanetat es pas tota presenta dins las reünion publica e la television locala, que podriá èstre una solucion se lo debat èra real, jòga pas brica lo seu ròtle ciutadan sul tèma, tot en engraissar moneda del sistèma politic tolzan, majoritariament.
Lo problèma es conegut, e aficat aquí realament :
Lo problèma es conegut, car fan en nom del Grand Tolosa la passejada de foncionari-urbanistas (los vertadièrs decideires en plaça) dedins las reünions publicas del Grand Tolosa, que cap elegit presentat sul document ne serà present, sonque veirèm delegats comunals de «granda volontat» politica.
Es lo modèl prefectoral, desplaçat dins lo sistèma de las aglomeracions ; se trapa qu’aquela organizacion tròba una genta ajuda dedins l’Estat francés, per ajudar encara un còp a la tecnocracia per decidar tot o quasiment. Cada còp qu’un sistèma politic es installat per París, las leis parisencas, avèm un sistèma militarista o bonapartista que s’installa dedins que la ciutadanetat es costejada en reünion publica, sonque o quasiment per desfaut d’aver un sistèma politic eficaç localament e occitan. L’autonomia de la pensada democratica occitana es quasiment nulla, e lo sistèma de las grandas aglomeracions ajuda pas a desvolopar la democracia, las chifras d’afar de las entrepresas del mercat-Estat-region francés, òc, la populacion occitana, non.
Qu’es aquò un sistèma politic eficaç e democratic ; es un sistèma que la participacion dels ciutadans e de las ciutadanas es pas delegada al «chef qui a toujours raison», o que plega lo debat dins tres reünions publicas per annada. Lo contrari d’aquel sistèma es un sistèma que la participacion es possibla pels ciutadans (competéncias e sapiença generala), e que lo sistèma gausa pensar que la ciutadanetat es pas un problèma, mas la solucion.
La fòto oficiala del Grand Tolosa, dita Metropòli de Tolosa, me sembla una caracteristica d’aquel sistèma tòrt francés e qu’a res de veire ambe la color politica. Dedins la fòto aquela vesèm sens que lo Cònsol màger, res suls elegits en realitat de l’aglomeracion de Tolosa, los que fan las reünions publicas (un medalhon per cadun en carga dels dorsier, non res!) ; aital podèm listar una error de comunicacion o una realitat … Aurà calgut una lei parisenca per donar una plaça sobre la documentacion publica a l’oposicion dins las comunas, ne caldrà una per aver los medalhons dins un document de grand public per saber quí s’aucupa dels dorsiers ? Lo Grand Tolosa es aital pas tocat per aquesta lei e lo poder bonapartista n’aprofièicha … per mostrar un medalhon del cònsol màger e sonque el ! El que vesèm jamai en reünion publica, e se podrà comprendre vist lo nombre de reünions que cal far per Tolosa, sonque.
Los documents oficials d’aqueste escantilh fan un trabalh important d’informacion (quora son legits, çò que dobti), mas son sobretot lo rebat de l’ignorança dels lectors e de las lectriças sul tèma, que ignorants-antas son alara d’electors e electriças que s’i pòdon gaire rebertar dedins, ni gaire pensar una causida bona o maissanta al nivèl politic. La tecnocracia li agrada aiçò.
Cap comentari:
Publica un comentari a l'entrada